Proscht und Priis säg ich nu derzuä!!

Für eine Priise bin ich gern bereit
(mit oder ohne Maschine).

Wenn jemand von Euch mich sieht, nur fragen.

Ich schnupfe mit jedermann/frau
(es dürfen auch mehr sein)

Drei eigenhändige Schnupfsprüche von mir:

DR GLAARNER SCHÜTZÄSPRUCH

Öb Haslä, Leuggelbach, Mitlödi, oder Sool,
solang miir chänd schüüssä, fühled miir üüs wohl.
I welem Verein as bisch, chunnt nüd drufaa,
D'hauptsach chusch dr Schnupf und d'Schüss gratis haa.
Nachem Tubäggli gaats ärscht richtig loos,
abspizzä, duräladä, entsicherä, ganz famoos.
Ä Musch um diä ander schüüssisch dernah,
Iäz gsiisch warum d'glarner Schützä dr Schnupf müänd haa.

DR GLAARNER MUSIGSPRUCH

Ds Schwandä, im glarner Hinderland,
sind zwii Musigverein i dr ganzä Schwiiz bekannt.
Zwii Sachä zuäsätzli bruuched miir,
das wär dr Schnupf und üüsers Adler Bier.
D'Harmonie- und d'Jugendmusig vu Schwandä,
würdet au uf dr anderä Weltsiitä guät landä.
Kä anderä Musigverein pflegt so guät d'Kameradschaft,
das üs au kei anderä Verein im Schnupfä schafft.

DR GLAARNER GUGGÄSPRUCH

Miir müänd nümmä beitä allzu wiit,
dä isch schu wider Fasnachtsziit.
Ds Schwandä im glarner Hinderland,
isch d'Parolä "Vöglä Priis" nüd uubekannt.                        
Diä Guggä wo ich meinä,
diä proobet und tuät nüd ummägeinä.
D'Hunghäfä Schwandä kännt doch jedä,
drum schnupfemer iäz, und tüänd nümmä lang redä.    

PRIIS! GUÄT LUFT!